Procurator's Office approves removing kiosks from bus stops

The association of entrepreneurs "Perspektiva" approached the Procurator General's Office with the request to give a legal opinion regarding the decision of the Minsk City Executive Committee on removing kiosks from bus stops. To a large degree, this decision contradicts the interests of entrepreneurs but also does not satisfy Minsk residents who are not able as before to buy the necessary small goods such as cigarettes, household goods, drinks, etc. The Procurator's Office now responds that there has been no violation from the side of the city authorities.   
Anatoly Shumchenko, leader of the association of entrepreneurs "Perspektiva" says that we witness liquidation of the small retail trade network in the city of Minsk. Absolutely without any reason and encroaching the interests of the city with almost two million people, the authorities deprive entrepreneurs of the possibility to develop own business and to work.

У чэрвені аб'яднанне прадпрымальнікаў «Перспектыва» звярнулася ў Генеральную пракуратуру з просьбай даць прававую ацэнку рашэнням Мінгарвыканкама аб зносе кіёскаў на прыпынках грамадскага транспарту, якое, згодна з іх меркаваннем, не адпавядае інтарэсам жыхароў горада і прадпрымальнікаў. Цяпер пракуратура дала адказ аб тым, што не бачыць ніякіх парушэнняў у дзеяннях сталічных уладаў.

Ва многім іх рашэнне сапраўды ідзе не толькі ўразрэз з інтарэсамі прадпрымальнікаў, але і не задавальняе мінчукоў, якія не могуць як раней хутка набыць неабходныя дробныя рэчы – цыгарэты, бытавыя твары, напоі і г.д.

Тое ж пацвярджае лідэр прадпрымальніцкага аб'яднання «Перспектыва» Анатоль Шумчанка:

-- Мы робімся сведкамі знішчэння дробнарознічнай гандлёвай сеткі ў горадзе Мінску. Улады абсалютна безпадстаўна, парушаючы інтарэсы амаль двухмільённага горада пазбаўляюць прадпрымальнікаў магчымасці развіваць свой бізнес і працаваць. Мінгарвыканкам, кажа, што кіёскі на прыпынках псуюць знешні выгляд горада, хаця гэта насамрэч не так. Рашэнне гарвыканкама носіць арганізацыйна-распараджальны характар. Яно не праходзіла юрыдычную экспертызу ў Міністэрстве юстыцыі. І мы, як арганізацыя, прайшлі практычна ўсе ступені звароту ў вышэйшыя органы ўлады. Гэта была і Адміністрацыя прэзідэнта, і Камітэт дзяржкантролю, урад, Дэпартамент прадпрымальніцтва, Парламент, Генеральная пракуратура. І ніводзін орган улады не стаў на абарону інтарэсаў мінчукоў, а таксама прадпрымальнікаў.

Але больш за ўсё Анатоль Шумчанка засмучаны тым, што прадпрымальнікі не хочуць аб'ядноўвацца для супольнага адстойвання сваіх інтарэсаў:

-- «Перспектыва» запрашала ўладальнікаў 20-30 кіёскаў, ёсць у нас і такія, на рабрчую групу ў Мінэканомікі. І аказалася, што яны як бы не чуюць нас, не хочуць ўмешвацца, лічаць, што разбяруцца са сваімі праблемамі самастойна. Другая частка прадпрымальнікаў не бачыць сэнсу ў барацьбе. Яны настолькі зацінутыя ўладаю, што не хочуць ні пісаць зыскі, ні хадзіць па судах, па чыноўніках, ні мітынгаваць.

У тым, што ўся бяда прадпрымальнікаў у іх адасобленасці, упэўнены і старшыня юрыдычнай камісіі БХК Гары Паганяйла. Ён таксама патлумачыў, чаму ўлады не хочуць саступаць прадпрымальнікам:

-- Іпэшнікі не аб'яднаныя. Ёсць сярод іх некалькі інцыятыўных фарміраванняў, але няма выпрацаваных, скаардынаваных дзеянняў.

Улады ж мяркуюць, што іпэшнікі ўходзяць ад падаткаў, прымяняюць шэрыя схемы. Лічыцца, што ў дробных прыватных прадпрыемствах адсцтнічае дакладны ўлік, кантроль. А да ўсяго яшчэ прадпрымальнікі пачалі палітызавацца.