Пра гэта заявіў сёння першы віцэ-прэм'ер Уладзімір Сямашка на пасяджэнні калегіі Міністэрства энергетыкі. "Першая паля ў будаўніцтва АЭС у Беларусі можа быць убіта з 1 студзеня 2009 года, а можа, і раней", - сказаў ён.
Кошт будаўніцтва можа скласці $5-6 млрд. На 2009 год у бюджэце прапісана выдзеліць на атамную электрастанцыю Br200 млрд.
Уладзімір Сямашка таксама паведаміў, што першы блок АЭС плануецца ўвесці ў эксплуатацыю ў 2016 годзе, другі - у 2018. "Яшчэ некалькі гадоў таму мы не маглі аб гэтым і марыць, а цяпер пачынаем рэалізацыю такога праекта", - сказаў ён.
У ліку іншых важнейшых энергааб'ектаў, якія будуць уведзены ў Беларусі, Уладзімір Сямашка назваў станцыю магутнасцю 660 МВт на рацэ Зэльва. Трэба будзе таксама пабудаваць новую станцыю ў Бярозе. "Работы вельмі шмат, асабліва энергетыкам. Таму Мінэнерга неабходна больш дынамічна асвойваць інвестыцыйныя сродкі, мадэрнізаваць і будаваць новыя энергааб'екты", - падкрэсліў першы віцэ-прэм'ер. Пры гэтым неабходна скараціць час на ўзгадненне праектаў, дадаў Уладзімір Сямашка
МоёМесто.ru
LiveJournal 
RSS