A Belarusian youth activist Aliaxandar Barazenka was put in the pretrial detention center at Volodarskogo Street on Monday. The youth stands trial for taking part in a rally of entrepreneurs on 10 January. Let us remind you that the case was unofficially called "The process of fourteen". However, there were only thirteen people on the dock. A student of the Wroclaw university Aliaxandar Barazenka decided to stay in Poland and did not attend the trial.
У панядзелак ў СІЗА на Валадарскага быў зьмешчаны моладзевы актывіст Аляксандар Баразенка. Хлопец праходзіць па крымінальнай справе за мітынг прадпрымальнікаў 10 студзеня.
Нагадаем, што тая справа атрымала неафіцыйную назву «Працэс чатырнаццаці». Аднак на лаве падсудных аказалася толькі трынаццаць чалавек. Студэнт універсітэту Уроцлава Аляксандар Баразенка прыняў рашэнне застацца ў Польшчы і не прыяжджаць на працэс. Фігуранты той справы атрымалі розныя тэрміны абмежавання волі без накіравання адбываць пакарання, а таксама штрафы. Андрэй Кім атрымаў паўтара году калоніі.
Большасць зь іх жыве сёння фактычна ва ўмовах хатняга арышту. Некаторыя, як Тацяна Цішкевіч, Аляксей Бондар, Арцём Дубскі, прынялі рашэнне з'ехаць з краіны.
Паводле нашай інфармацыі Аляксандар Баразенка пэўны час знаходзіўся на тэрыторыі Беларусі. З'ехаць назад на вучобу не было магчымасці, бо расейцы аднавілі беларускую базу невыязных. Хлопца нібыта нават здымалі зь цягніка.
27 кастрычніка Аляксандар Баразенка добраахвотна разам з сваім адвакатам Паўлам Сапелкам з'явіліся да следчага Міхалькевіча. Там хлопцу і была прадстаўлена пастанова аб арышце, якая была выпісана яшчэ ў траўні.
«У СІЗА Баразенка правядзе час да суду, калі, канечне, ня будзе заменена мера стрыманьня. Хадайніцтва ў пракуратуру накірую бліжэйшымі днямі», - кажа П.Сапелка.
Пакуль цяжка меркаваць, калі дакладна адбудзецца суд. Вядома толькі што ён адбудзецца ў судзе Цэнтральнага раёну Мінску.
Наша Ніва
МоёМесто.ru
LiveJournal 
RSS