Рэспубліцы Беларусь, як і любой сучаснай дзяржаве, даводзіцца сутыкацца з разнастайнымі праблемамі. Ад вырашэння такіх праблем, як энергетычная, дэмаграфічная, экалагічная, залежыць не толькі далейшае развіццё, але і лёс нашай краіны.
Беларуская нацыя валодае высокім інтэлектуальным потэнцыялам, які мог бы забяспечыць выпрацоўку эфектыўных адказаў на гэтыя выклікі сучаснасці.
Перашкодай на гэтым шляху з'яўляецца раз'яднанасць беларускіх інтэлектуальных сіл, іхняя замкнёнасць у сваіх палітычных, галіновых, рэгіянальных ячэйках. Канфрантацыя ў асяроддзі баларускай інтэлектуальнай эліты наносіць удар па перспектывах развіцця грамадства і дзяржавы ў цэлым. Вырашэнне агульнанацыянальных праблем патрабуе грамадскага дыялогу і супрацоўніцтва паміж прадстаўнікамі разнастайных палітычных і навуковых накірункаў.
Сайт «Expertby.org» прапануе аб'яднаць намаганні прадстаўнікоў беларускай інтэлектуальнай эліты дзеля абмеркавання найбольш істотных тэм, знітаваных з развіццём нашай краіны. Грамадзянская супольнасць і спецыялісты з дзяржаўных структураў могуць і павінны працаваць разам над вырашэннем праблем краіны і грамадства.
Expertby.org гатовы даць магчымасць выказваць сваё меркаванне:
1) прадстаўнікам разнастайных палітычных партый і плыняў;
2) людзям, якія не далучаюцца ні да воднай палітычнай плыні, але пры гэтым з'яўляюцца спецыялістамі ў той ці іншай вобласці эканомікі, права, грамадскага жыцця;
3) любому чалавеку, які здольны прапанаваць сваё бачанне праблемы і абгрунтаваць свой варыянт яе вырашэння.
Expertby.org дае ім магчымасць быць пачутымі сваімі апанентамі. Ён стварае ўмовы для канструктыўнай дыскусіі і супрацоўніцтва разнастайных палітычных сіл, дзяржаўных і грамадскіх структур. Толькі сумесная праца дапаможа знайсці найбольш эфектыўнае вырашэнне праблем, якія стаяць перад нашай краінай.
LiveJournal 
RSS